37 biznesoŭcaŭ, jakija pracujuć u śfiery internetu, publična padtrymali kandydata ŭ mery Maskvy Alaksieja Navalnaha. U adkrytym liście jany zajavili, što pavažajuć apazicyjaniera «za vieru ŭ siabie i hatoŭnaść pazbavicca voli za pierakanańni». Poŭny tekst zajavy apublikavała vydańnie Hopes&Fears.
«Siońnia ŭ Rasii telefonnaje prava vierchavienstvuje nad astatnimi pravami. My viedajem pra tysiačy pradprymalnikaŭ, jakich sud adpraviŭ za kraty pa sfabrykavanych abvinavačańniach. My bačym, jak čynoŭniki schilajuć biznes da karupcyi, a parłamient paśpiešliva prymaje zakony, jakija dramatyčna ŭpłyvajuć na dziejnaść cełych halin», — havorycca ŭ tekście lista.
Biznesoŭcy ličać, što sudovaja rasprava z Alaksiejem Navalnym i Piatrom Aficeravym datyčyć luboha rasijskaha pradprymalnika. Na ich dumku, siłavym strukturam dadzieny sihnał, što pasadzić ciapier možna luboha.
«Praź miesiac projduć vybary mera Maskvy. Kažuć, što „biznesoŭcy
Čas pryznać, što palityka niepasredna ŭpłyvaje na biznes:na nas samich, supracoŭnikaŭ, rehulataraŭ rynku, pravaachoŭnikaŭ. Abjadnoŭvacca i atrymlivać palityčnaje pradstaŭnictva — častka našaj pracy i niepasrednaja sacyjalnaja adkaznaść.
Blizkija vybary — heta šaniec na źmieny i dla nas, i dla kandydata ŭ mery Maskvy Alaksieja Navalnaha. Majučy ŭsie mahčymaści dla kamfortnaj karjery advakata, Navalny šmat hadoŭ viadzie adkrytuju baraćbu z karumpavanymi čynoŭnikami. Navat sutyknuŭšysia ź ciskam i pahrozami, Alaksiej nie adstupiŭsia ad svaich pierakanańniaŭ. I my, i palityk Navalny zacikaŭlenyja ŭ tym, kab pastavić dziaržaŭny aparat na słužbu zakonu. Tamu my padtrymlivajem na staličnych vybarach mienavita hetaha kandydata», — havorycca ŭ adkrytym liście.
Biznesoŭcy nie ličać svaju dapamohu dabračynnaściu.Jany čakajuć ad Navalnaha abarony vierchavienstva zakona, padtrymki niezaležnych sudoŭ, realnaj padspravazdačnaści čynoŭnikaŭ hramadstvu, a naŭzamien hatovyja padtrymlivać palityka reputacyjaj, finansavymi, arhanizacyjnymi i inšymi resursami.
«Sacyjalny kantrakt» z Navalnym, u pryvatnaści, zaklučyli zasnavalniki, uładalniki ci
Rašeńnie ab padtrymcy było pryniataje 24 lipienia na sustrečy pradstaŭnikoŭ biznesu novaj chvali z Alaksiejem Navalnym.
Hazieta «Viedomosti» adznačaje, što list stvaraje precedent: z časoŭ «roŭnaaddalenaści aliharchaŭ» biznes nie advažvaŭsia adkryta padtrymlivać apazicyju.
