Hałoŭny trenier nacyjanalnaj zbornaj Biełarusi pa chakiei kanadziec Hlen Chenłan prylacić u Minsk z-za akijana 10 žniŭnia i adrazu prystupić da vykanańnia svaich abaviazkaŭ, paviedamili ŭ Biełaruskaj fiederacyi chakieja (FCHRB).
Z kiraŭnictvam FCHRB Hlen Chenłan kančatkova zaćvierdzić płan padrychtoŭki nacyjanalnaj kamandy da čempijanatu śvietu 2014 hoda ŭ Minsku. Adno ź pieršačarhovych pytańniaŭ, jakoje jamu treba budzie vyrašyć pa prybyćci ŭ Biełaruś — farmiravańnie trenierskaha štaba zbornaj.
Płanujecca, što adnym z asistentaŭ Chenłana stanie trenier minskaha "Dynama" Aleh Mikulčyk, a ź inšymi kandydaturami kanadziec vyznačycca paźniej. Kantrakt Hlena Chenłana z FCHRB ustupiŭ u dziejańnie 1 lipienia i raźličany na dva hady z mahčymaściu jaho praciahu jašče na adzin hod na tych ža ŭmovach pry vykanańni abaviazacielstvaŭ pieršych dvuch hadoŭ.
0
0
0
0
0
0