Minfin nie čakaje značnaha rostu zarpłat u druhim paŭhodździ, paviedamiŭ žurnalistam 8 žniŭnia namieśnik ministra finansaŭ Maksim Jermałovič.
Pry hetym jon adznačyŭ, što na siońnia Ministerstva finansaŭ nie zadavalniajuć najaŭnyja suadnosiny pamiž zarpłatami ŭ biudžetnym siektary i pramysłovaści.
«Suadnosiny ŭzroŭniu zarpłaty ŭ biudžetnym siektary i ŭ ekanomicy ŭ cełym nas nie zadavalniajuć. Adnak heta, chutčej, prablema, jakaja vyklikana apieradžalnym rostam zarpłat u realnym siektary ŭ paraŭnańni z tempami rostu pradukcyjnaści pracy», — dadaŭ Maksim Jermałovič.
«Bačna zapavolvańnie tempaŭ rostu zarpłaty ŭ pramysłovaści. Naša zadača — pastupova, nie akazvajučy cisku na ŭnutrany popyt, padciahvać uzrovień zarpłat u biudžetnym siektary», — patłumačyŭ Jermałovič.Razam z tym, kanstatavaŭ jon, zarpłata ŭ pramysłovaści ŭžo stała zapavolvacca.
Jon adznačyŭ, što suadnosiny zarpłat u biudžetnym siektary da dachodaŭ u pramysłovaści składajuć kala 77–78%. Da kanca 2014 hoda płanujecca hetyja suadnosiny davieści da 90%, paviedamiŭ namieśnik ministra.
«Adnak dla hetaha treba šmat zrabić u samim biudžetnym siektary: aptymizavać kolkaść ustanoŭ adukacyi i achovy zdaroŭja, pravieści skaračeńnie štata biudžetnych arhanizacyj. Heta składanaja i karpatlivaja rabota, ale jana dazvolić bolš chutkimi tempami raści zarpłacie ŭ biudžetnym siektary», — dadaŭ Maksim Jermałovič.
***
Jak paviedamlałasia raniej, u
Zarabotnaja płata rabotnikaŭ arhanizacyj pramysłovaści ŭ červieni 2013 hoda skłała 641,1 dołara ZŠA. U biudžetnych arhanizacyjach siaredniamiesiačnaja zarabotnaja płata ŭ červieni skłała 3,89 młn. rubloŭ, ci 445 dołaraŭ.
