PirateBrowser ujaŭlaje saboj zborku z klijenta dla dostupu da ananimnaj sietki Tor i «partatyŭnaj» viersii braŭzera Firefox z šeraham śpiecyjalnych naład. Dadatak dastupny tolki dla apieracyjnaj sistemy Windows.
U apisańni PirateBrowser havorycca, što jon dazvalaje abychodzić internet-cenzuru ŭ Iranie, Paŭnočnaj Karei, Vialikabrytanii, Bielhii i inšych krainach. Pry hetym raspracoŭščyki padkreślivajuć, što prahrama pryznačanaja tolki dla abychodu abmiežavańniaŭ i, niahledziačy na vykarystańnie Tor, nie zabiaśpiečvaje ananimnaści ŭ siecivie.
Z dapamohaj «pirackaha» braŭzera, havorycca ŭ błohu The Pirate Bay, možna budzie adkryvać torent-partał tam, dzie zabłakavany dostup da jaho. Anons prahramy byŭ prymierkavany da 10-hodździa resursu.
Dostup da The Pirate Bay zabłakavany ŭ šerahu krain, uklučajučy Bielhiju, Niderłandy i Indyju. Źviazana heta z abvinavačvańniami ŭ tym, što resurs raspaŭsiudžvaje piracki kantent - filmy, muzyku i prahramy.
1 žniŭnia ŭ Rasii ŭstupiŭ u siłu antypiracki zakon, u adpaviednaści ź jakim miascovyja internet-karystalniki taksama mohuć zastacca biez dostupu da torent-partała. Heta adbudziecca ŭ tym vypadku, kali pravaŭładalnik, jaki vyjaviŭ nielehalnaje raspaŭsiudžvańnie jaho filma na sajcie, źvierniecca ŭ sud. Pa zakonie, kali ŭładalniki sajta nie vydalajuć sprečny kantent, dostup da resursu błakujecca na ŭzroŭni pravajdaraŭ. Pry hetym suzasnavalnik The Pirate Bay Pietier Sunde (Peter Sunde) padkreśliŭ, što administracyja resursa «nikoli nie cenzuravała» jaho źmieściva.
The Pirate Bay - najbujniejšy fajłaabmienny resurs u śviecie. Partał uvachodzić u top-100 rejtynhu samych papularnych sajtaŭ pa dadzienych Alexa. Na sajcie zarehistravana 4,6 miljona razdač.
