XV Mižnarodny źjezd słavistaŭ projdzie ŭ Minsku 20–27 žniŭnia. Biełaruś prymie hety aŭtarytetny forum ŭpieršyniu.
Forum stanie važnaj navukovaj i kulturnaj padziejaj. Prahrama źjezdu ŭklučaje plenarnyja i siekcyjnyja dakłady, kruhłyja stały, pasiadžeńni śpiecyjalnych kamisij, akredytavanych pry Mižnarodnym kamitecie słavistaŭ. Adzin z važnych momantaŭ — vystava słavistyčnaj litaratury, vydadzienaj za apošnija piać hadoŭ u roznych krainach.
U pracy forumu voźmuć udzieł bolš za 600 navukoŭcaŭ z Aŭstryi, Aŭstralii, Bielhii, Biełarusi, Bałharyi, Hiermanii, Izraila, Italii, Ispanii, Kanady, Litvy, Rasii, Francyi, Šviejcaryi, Japonii i inšych — usiaho 35 krain śvietu.
Mižnarodnyja źjezdy słavistaŭ — bujnyja navukovyja forumy, pryśviečanyja prablemam raźvićcia słavianskich moŭ, litaratur, kultur, falkłoru ŭ ich uzajemadziejańni. Forum pravodzicca z 1929 kožnyja piać hadoŭ u słavianskich krainach.
