Kala sielvykankama ŭ vioscy Sialec Biarozaŭskaha rajona ŭčora adbyŭsia narodny schod, arhanizavany viaskoŭcami, na jakim prysutničała 150 čałaviek.Z zaprošanaha kiraŭnictva byli staršynia Sialeckaha sielvykankama Uładzimir Chilko, namieśnik staršyni Biarozaŭskaha rajvykankama Danuta Hardziejeva, v.a. sielhasupraŭleńnia Alaksiej Žoŭcikaŭ i hałoŭny vietdoktar rajona Hienadź Biełavieškin. Zaprošanyja adpaviednyja supracoŭniki z Bresckaj vobłaści i rabotniki prakuratury rajona i vobłaści zaprašeńnie praihnaravali.
Hałoŭnaja meta schodu -- dabicca admieny rašeńnia Biarozaŭskaha rajvykankama ad 5 žniŭnia ab likvidacyi śviniej da 15 žniŭnia z pryvatnych padvorkaŭ u 17 vioskach, jakija trapili ŭ 5-kiłamietrovuju zonu la nievialikich fiermaŭ viosak Sašyca i Chojniki abo dabicca adterminoŭki rašeńnia dla taho, kab mieć mahčymaść abskardzić u vyšejšych instancyjach.Sialčanie spasyłajucca na toje, što rajon nie ŭvachodzić u 40-kiłamietrovuju bufiernuju zonu ad epicentra epidemii, a fiermy majuć małoje pahałoŭje i nie adpaviadajuć sanitarna-hihijeničnym patrabavańniam fiermaŭ.
Padtrymki ŭ prysutnych čynoŭnikaŭ ludzi nie znajšli. Tyja patrabavali padparadkavacca rašeńniu, a potym užo skardzicca. Paabiacali danieści kiraŭnictvu rajona patrabavańni ludziej, jakija paznačany i ŭ pratakole schodu.
Ludzi rašuča nastrojeny abaraniać svaju ŭłasnaść, bo dla bolšaści śvinahadoŭla dapamahaje vyžyć pry piensii abo zarobku ŭ paŭtara miljona rubloŭ.
Danuta Hardziejeva zapeŭniła, što kampiensacyja krychu bolš za 18 tysiač rubloŭ za kiłahram i 600 tys. rubloŭ za hałavu da 30 kiłahram budzie vydadziena ź biudžetu na druhi dzień paśla zdačy.
Ale ludzi nie pavieryli, pakolki ŭ akcie ab utylizacyi punkt apłaty adsutničaje, i jaho admovilisia tudy ŭnieści navat pa patrabavańni ludziej.Alaksiej Žoŭcikaŭ skazaŭ, što adkaznych za apłatu niama.
Ludzi nastrojeny rašuča zmahacca za svaju pryvatnuju ŭłasnaść. Jany źbirajucca abskardžvać pastanovu rajvykankama ŭ abłvykankamie, prakuratury i sudach.
Śviatłana Kalinkina. XXI st. Biełaruski supraciŭ
0
0
0
0
0
0
