Šeść čałaviek zahinuli ŭ DTZ u minułyja vychadnyja, u tym liku dvoje dziaciej

U łabavym sutyknieńni z aŭtobusam pad Połackam 18 žniŭnia zahinuŭ kiroŭca lehkavika. Fota 112.by.

Za vychadnyja dni na darohach respubliki zarehistravana 401 DTZ z materyjalnym uronam. Učyniena 39 DTZ, u jakich šeść čałaviek zahinuli i 44 atrymali ranieńni. Siarod zahinułych — dvoje dziaciej. Pra heta paviedamili va ŭpraŭleńni DAI MUS Biełarusi.

17 žniŭnia ŭ vioscy Piščałava Aršanskaha rajona ŭ 03.35 27-hadovy žychar vioski Abuchova, pazbaŭleny prava kiravańnia za jazdu ŭ stanie apjanieńnia da žniŭnia 2015 hoda, kirujučy aŭtamabilem «Nisan-Blubiord» (naležyć žycharu RF), nie spraviŭsia z kiravańniem, źjechaŭ u pravy kiuviet, dzie ŭrezaŭsia ŭ aporu linii elektrapieradačy. Vadziciel i pasažyr — 18-hadovaja žycharka vioski Miežava, jakaja znachodziłasia na piarednim siadzieńni, — ź cialesnymi paškodžańniami špitalavanyja, 24-hadovy žychar hetaha ž nasielenaha punkta i 15-hadovy žychar Oršy ad atrymanych traŭm pamierli na miescy zdareńnia. Ramianiami biaśpieki jany pryšpilenyja nie byli.

U vioscy Hłazaŭka Buda-Kašaloŭskaha rajona ŭ 17.15 41-hadovaja žycharka Buda-Kašalova, kirujučy «KIA-Sarenta», učyniła najezd na trochhadovaha chłopčyka, jaki raptam vybieh na prajeznuju častku sprava z dvara svajho doma. Ad atrymanych traŭm dzicia pamierła na miescy zdareńnia.

Usiaho za minułyja sutki ŭ Biełarusi vyjaŭlena bolš jak 13 tysiač parušeńniaŭ PDR. Za kiravańnie transpartnymi srodkami ŭ stanie ałkaholnaha apjanieńnia zatrymanyja 373 vadzicieli. Za pieravyšeńnie chutkasnych režymaŭ ruchu aštrafavany 4.641 vadziciel. Praihnaravali abaviazkovaje patrabavańnie ab pryšpilvańni ramianiami biaśpieki 1.017 vadzicielaŭ i pasažyraŭ. Za parušeńnie pravił darožnaha ruchu da adkaznaści pryciahnutyja 1.105 piešachodaŭ, ź ich 375 za adsutnaść śviatłoadbiŭnych elemientaŭ u ciomny čas sutak.

Va UDAI MUS źviartajuć uvahu na toje, što pik dziciačaha traŭmatyzmu prypadaje mienavita na žnivień. Naprykład, u žniŭni 2012 hoda na darohach krainy zahinuli 9 i atrymali traŭmy 55 dziaciej. Ciapier u žniŭni ŭžo troje dziaciej atrymali śmiarotnyja traŭmy i kala 30 byli paranienyja.

0

0

0

0

0

0

Viačasłaŭ Budkievič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH