Nacyjanalny bank čakaje, što siaredniehadavy kurs dołara ŭ 2014 składzie prykładna 9500 rubloŭ za dalar. Pavodle infarmacyi BiełaPAN, takija danyja pryvodziacca ŭ abhruntavańni da prajekta Asnoŭnych kirunkaŭ
Miarkujecca, što dla zabieśpiačeńnia hnutkaha reahavańnia na vahańni kursaŭ zamiežnych valut i zabieśpiačeńnie ŭnutranaj i źniešniaj zbałansavanaści abmienny kurs biełaruskaha rubla budzie farmiravacca zychodziačy z popytu i prapanovy zamiežnaj valuty.
Pry hetym Nacbank płanuje nakiroŭvać u 2014 valutnyja interviencyi tolki na zhładžvańnie rezkich kanjunkturnych vahańniaŭ abmiennaha kursu.
Ekśpierty Daśledčaha centra Instytuta pryvatyzacyi i mieniedžmientu (IPM) čakajuć, što kurs dołara da kanca 2013 hoda składzie 9200 rubloŭ, da kanca 2014 hoda — 9500 rubloŭ.
«Pry takim scenaryi my čakajem, što naminalny abmienny kurs składzie 9200 rubloŭ i 9.500 rubloŭ za dołar na kaniec 2013 i 2014 hadoŭ adpaviedna. Adnak pry niedachopie źniešnich pazykaŭ abiasceńvańnie nacyjanalnaj valuty moža być značna bolšym», — miarkujuć ekśpierty Daśledčaha centra IPM.
Nacbank čakaje taksama, što staŭka refinansavańnia ŭ 2014 moža skłaści ŭ siarednim 16–17% hadavych.
Staŭku refinansavańnia płanujecca padtrymlivać na ŭzroŭni, nieabchodnym dla dasiahnieńnia cenavaj stabilnaści ŭ ekanomicy. Kankretnaje značeńnie staŭki, pavodle prahnozaŭ rehulatara, budzie zaležać ad makraekanamičnych umoŭ na ŭnutranym i źniešnim rynkach.
Jak paviedamlałasia raniej, u Asnoŭnych kirunkach
Ekśpierty ličać, što va ŭmovach, što skłalisia na ŭnutranym rynku, zabiaśpiečyć źnižeńnie staŭki refinansavańnia da zapłanavanych 13–15% da kanca 2013 nie ŭjaŭlajecca mahčymym.