Stakholmski sud pryznaŭ hramadzianku Biełarusi Volhu Kłaskoŭskuju vinavataj u zamachu na zabojstva svajho muža Hiokana Biezhina i pryhavaryŭ jaje da vaśmi hadoŭ turemnaha źniavoleńnia.
Jak paviedamiła BiełaPAN žurnalistka Julija Łapicki, jakaja žyvie ŭ Šviecyi i sočyć za hetym pracesam, pa rašeńni suda Volha Kłaskoŭskaja taksama pavinna vypłacić hrašovuju kampiensacyju Biezhinu ŭ pamiery 110 tysiač šviedskich kron.
«Sud paličyŭ, što padčas pracesu byli pradstaŭlenyja dźvie naohuł procilehłyja viersii padziej. Praŭdzivaj była pryznanaja viersija Hiokana Biezhina, a nie Volhi Kłaskoŭskaj. Pry hetym sud paličyŭ, što ŭ spravie niama źmiakčalnych dla Volhi akaličnaściaŭ. Nie ŭličany byli navat pakazańni Kłaskoŭskaj, jakaja abvinavačvała Biezhina ŭ źbivańni i zhvałtavańni», — raskazała Łapicki.
Siońnia pryhavor u dačynieńni da Kłaskoŭskaj vynies sud pieršaj instancyi. Pavodle słoŭ Łapicki, u jaje jość mahčymaść jaho abskardzić u sudzie druhoj instancyi i Viarchoŭnym sudzie. Raniej Kłaskoŭskaja zajaŭlała, što ŭ vypadku abvinavaŭčaha pryhavoru budzie jaho abskardžvać.
Nahadajem, na papiarednim pasiadžeńni suda, jakoje adbyłosia 13 žniŭnia, prakuror zapatrabavaŭ dla Volhi Kłaskoŭskaj vosiem hadoŭ pazbaŭleńnia voli i hrašovuju kampiensacyju ŭ pamiery 130 tysiač šviedskich kron. Na tym ža pasiadžeńni byli abvieščanyja vyniki
Pavodle słoŭ Julii Łapicki, padčas sudovych pasiadžeńniaŭ Volha kateharyčna admaŭlała svaju vinu i navat sprabavała abvinavačvać šviedskuju dziaržavu. U pryvatnaści, jana zajaviła, što šviedskija ŭłady sprabujuć jaje zabić, bo spačatku — niezakonna jaje departavali, zatym — niezakonna zabrali jaje dzicia, a paśla — sprabujuć «zhnaić u turmie».
Pra zatrymańnie Volhi Kłaskoŭskaj stała viadoma 2 krasavika. Jaje zatrymali ŭ horadzie Chaninhu na poŭdzień ad Stakholma i źmiaścili ŭ turmu Okierśbierha za 30 km na paŭnočny ŭschod ad Stakholma.
Niekalki hadoŭ tamu Kłaskoŭskaja atrymała status palityčnaha biežanca ŭ suviazi ź pieraśledam na radzimie za apazicyjnyja pierakanańni. U 2011 hodzie Volha viarnułasia ŭ Biełaruś
6 lutaha pradstaŭniki sacyjalnych słužbaŭ Šviecyi zabrali ŭ Kłaskoŭskaj małaletniaje dzicia ŭ suviazi z tym, što ŭ jaje niama vidu na žycharstva ŭ hetaj krainie i jana nie moža zabiaśpiečyć synu narmalnyja ŭmovy pražyvańnia. 8 lutaha Kłaskoŭskaja z advakatam sustrakałasia z pradstaŭnikom sacsłužbaŭ, jaki paviedamiŭ, što dzicia pieradadziena baćku. Dačka Kłaskoŭskaj Mirasłava pa rašeńni šviedskich uładaŭ taksama padlahała departacyi. U Šviecyju pa dziaŭčynku jeździła jaje babula, maci Volhi. Ciapier Mirasłava znachodzicca ŭ Biełarusi.
