Homielskaja abłasnaja arhanizacyja Biełaruskaj partyi levych «Spraviadlivy śviet» płanavała pravieści 24, 25 i 26 vieraśnia ŭ Homieli try pikiety dla daniasieńnia idej partyi da hramadskaści i abmierkavańnia
Jak paviedamiŭ BiełaPAN palityk, z UUS Homielskaha abłvykankama pastupiŭ admoŭny adkaz. Milicyja matyvavała admovu zabiaśpiečyć hramadski paradak tym, što nie moža zaklučyć dahavor «u suviazi z adsutnaściu mahčymaści vydzielić u hety pieryjad nieabchodnuju kolkaść supracoŭnikaŭ sa składu orhanaŭ unutranych spraŭ».
«Nam chapiła b i adnaho milicyjaniera, kab na ŭsiaki vypadak prysutničaŭ na pikiecie, jaki płanavali pravodzić usiaho try čałavieki. Ale milicyja niazdolnaja navat na heta. Za što ž my płacim padatki?» — aburyŭsia Siakierka i zajaviŭ pra namier skardzicca na adkaz z UUS u vyšejšyja orhany.
6 žniŭnia aktyvisty partyi «Spraviadlivy śviet» płanavali pravieści ŭ Homieli anałahičny pikiet, ale harvykankam nie dazvoliŭ masavaje mierapryjemstva na toj padstavie, što ŭ hety dzień na zajaŭlenaj placoŭcy kala DK tavarystva hłuchich «Vipra» była zapłanavana repietycyja fiestyvalu «Sožski karahod». Sam fiestyval projdzie 14–15 vieraśnia.