U Kijevie na čempijanacie śvietu pa mastackaj himnastycy zaviaršylisia spabornictvy ŭ hrupavych praktykavańniach pa prahramie šmatborja, jakaja źjaŭlajecca alimpijskim vidam. Bliskučuju pieramohu na turniry atrymała zbornaja Biełarusiŭ składzie Valeryi Piščelinaj, Hanny Dudziankovaj, Maryny Hančarovaj, Maryi Kaciak, Alaksandry Narkievič i Jany Łukaviec (trenier kamandy - Taćciana Nianašava). Našy himnastki nabrali pa sumie dvuch vidaŭ (10 bułaŭ; 3 miačy/2 stužki) 35,708 bała, na paŭtara bała apiaredziŭšy zbornuju Rasii, jakaja finišavała na trecim miescy - 34,225. Sierabro vyjhrali italjanki - 34,733.
U apošni raz padobny pośpiech biełaruskaja mastackaja himnastyka śviatkavała ŭ 1998 hodzie.Tady ŭ Sievilji čempijonkami śvietu ŭ hrupavych praktykavańniach pa prahramie šmatborja stali Volha Zajcava, Halina Małašanka, Hanna Hłazkova, Taćciana Białan, Iryna Iljankova i Anastasija Zvaryka. Tuju kamandu da załatych uznaharod taksama pryviała zasłužany trenier Biełarusi Taćciana Nianašava.
0
0
0
0
0
0
