Advakaty Uładzisłava Baŭmhiertniera buduć damahacca štodzionnych naviedvańniaŭ. Pavodle słovaŭ kiraŭnika konsulskaha adździeła pasolstva Rasii ŭ Biełarusi Ihara Karahina, jany pasprabujuć pieradać rasijaninu ŭ SIZA KDB jašče adnu pieradaču.
«Zastalisia rečy, jakija pryviezła jaho maci — tapki, spartovy kaścium. Kali treba niešta jašče, to heta budzie kuplena», — cytuje słovy dypłamata RIA «Novosti».
***
Kiraŭnika «Urałkalija» Uładzisłava Baŭmhiertniera zatrymali 26 žniŭnia ŭ minskim aeraporcie paśla sustrečy z premjeram Michaiłam Miaśnikovičam.Śledčy kamitet Biełarusi zajaviŭ, što hiendyrektar «Urałkalija» nanios škodu nacyjanalnym intaresam Biełarusi. Baŭmhiertnieru vystaŭlenaje abvinavačańnie va złoŭžyvańni ŭładaj i słužbovymi paŭnamoctvami. Jamu pahražaje da 10 hadoŭ pazbaŭleńnia voli z kanfiskacyjaj majomaści. Śledčy kamitet paviedamiŭ, što straty pa spravie Biełaruskaj kalijnaj kampanii aceńvajucca na 100 młn dołaraŭ. Baŭmhiertnier znachodzicca ŭ śledčym izalatary KDB.
0
0
0
0
0
0
