Papa zaklikaŭ samit G-20 znajści mirnaje rašeńnie dla Siryi 3
Papa Francišak nakiravaŭ prezidentu Rasii Uładzimiru Pucinu pasłańnie z zaklikam znajści mirnaje rašeńnie dla kryzisu ŭ Siryi.
U paviedamleńni presavaj słužby Vatykana adznačajecca, što pantyfik źviartajecca da prezidenta Rasii jak da staršyni samita «vialikaj dvaccatki» ŭ Sankt-Pieciarburhu. Papa vykazaŭ škadavańnie z pryčyny taho, što ŭ Siryi z samaha pačatku kanfliktu ŭziali vierch adnabakovyja intaresy, jakija pieraškadžajuć znajści mirnaje vyrašeńnie kanfliktu.
Kiraŭnik Rymska-katalickaj carkvy zajaviŭ, što lidary «dvaccatki» nie mohuć zastavacca abyjakavymi da dramatyčnaj situacyi siryjskaha naroda. Francišak zaklikaŭ kiraŭnikoŭ krainaŭ «vialikaj dvaccatki» znajści šlachi pieraadoleńnia supiarečnaściaŭ i adkłaści ŭbok vajennaje rašeńnie.
