Tozik abmierkavaŭ chod budaŭnictva hatela «Piekin» i žyłoha kvartała «Labiažy»

Sustreča namieśnika prem'jer-ministra Biełarusi Anatola Tozika z kiraŭnictvam kampanii BUCC (KNR) adbyłasia 4 vieraśnia ŭ Minsku.

Kampanija BUCC realizuje ŭ Minsku dva bujnyja prajekty — budaŭnictva žyłoha kvartała ŭ staličnym mikrarajonie «Labiažy» i budaŭnictva hatelnaha kompleksu «Piekin».

Jak paviedamlaje pres-słužba ŭrada, na sustrečy baki z zadavalnieńniem adznačyli vysokija tempy budaŭnictva hatelnaha kompleksu «Piekin», jaki, jak płanujecca, adkryjecca ŭžo ŭ sakaviku nastupnaha hoda. Haściam kompleksu
buduć prapanavanyja nie tolki kamfortnyja numary dla pražyvańnia i vysoki ŭzrovień servisu ŭ hateli, ale i pasłuhi niekalkich restaranaŭ, u tym liku restarana kitajskaj kuchni, kazino i SPA-centra.

Udzielniki sustrečy taksama abmierkavali kompleks mier, jakija nieabchodna pryniać dla najchutčejšaha zaviaršeńnia budaŭnictva žyłoha kvartała ŭ mikrarajonie «Labiažy», u tym liku abjektaŭ sacyjalnaj infrastruktury. U chutkim časie adbudziecca aficyjnaja prezientacyja kvater u hetym mikrarajonie.

«Staršynia praŭleńnia kampanii BUCC Čžan Hujlin padkreśliŭ, što kampanija zacikaŭlena ŭ praciahu supracoŭnictva ź biełaruskim bokam pa realizacyi inšych budaŭničych prajektaŭ, niekatoryja ź jakich užo znachodziacca ŭ stadyi prapracoŭki», — paviedamlaje pres-słužba ŭrada.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH