Abvinavačany ŭ žorstkim zabojstvie dziaŭčyny ŭ Rečycy źmieščany pad vartu

Hałoŭnym śledčym upraŭleńniem Śledčaha kamiteta Biełarusi praciahvajecca rasśledavańnie abstavinaŭ zabojstva dziaŭčyny ŭ Rečycy 29 žniŭnia.

Jak paviedamili ŭ adździele infarmacyi i suviazi z hramadskaściu SK, vykanana bolš za sto śledčych dziejańniaŭ. Pryznačany ekśpiertnyja daśledavańni, jakija ažyćciaŭlajuć śpiecyjalisty Dziaržaŭnaha kamiteta sudovych ekśpiertyz. U jakaści rečavych dokazaŭ kanfiskavana i dałučana da materyjałaŭ kryminalnaj spravy bolš čym sto roznych abjektaŭ. Ciapier jany vyvučajucca śledčymi i ekśpiertami.

Pa padazreńni va ŭčynieńni złačynstva zatrymany žychar Rečycy 1994 hoda naradžeńnia.

Jamu pradjaŭlena abvinavačańnie va ŭčynieńni zabojstva z asablivaj žorstkaściu (p. 6 č. 2 art. 139 KK). Jon źniavoleny pad vartu.

Nahadajem trup 19-hadovaj dziaŭčyny byŭ znojdzieny 29 žniŭnia ŭ šeść ranicy vartaŭnikom kala Doma tvorčaści moładzi. Śmierć była hvałtoŭnaj, na ciele zabitaj znojdzieny množnyja paškodžańni, u tym liku ślady ad udaraŭ. U toj ža dzień byŭ zatrymany padazravany — 19-hadovy raniej nieadnarazova sudzimy miascovy žychar, jaki byŭ znajomy ź dziaŭčynaj.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH