Minharvykankam ličyć lišnim ustalavańnie ŭ Minsku pomnika Kalinoŭskamu 25

Minharvykankam ličyć zaŭčasnym ustanoŭku pomnika Kastusiu Kalinoŭskamu ŭ stalicy. Pra heta havorycca ŭ adkazie kiraŭnictva harvykankama na kalektyŭny zvarot hramadzian.

U adkazie paznačana, što nie tak daŭno była viernuta pamiatnaja doška Kalinoŭskamu pa adrasie: vulica Kalinoŭskaha, 55. «U suviazi z hetym jany (Minharvykankam) ličać uźviadzieńnie pomnika lišnim. Takija vysnovy zrabili ŭ Navukova-daśledčym instytucie sacyjalna-ekanamičnych navuk, a taksama takija zaklučeńni byli ad Ministerstva kultury», — adznačajecca ŭ paviedamleńni HA «Altenarnatyva», jakoje i vystupiła ź idejaj ŭstalavańnia pomnika.

Adzin ź inicyjataraŭ kampanii Aleh Korban, kamientujučy pazicyju ŭładaŭ, adznačyŭ, što praihnaravana prapanova čatyroch tysiač hramadzian. «Jak mahła ŭłada, budź jana pa-sapraŭdnamu narodnaj, admović svaim padatkapłacielščykam, vybarščykam, pradstaŭnikam intelihiencyi ŭ takim pytańni? Kali narod ličyć patrebnym uźviadzieńnie pomnika peŭnaj asobie, to nijakich farmalnych adpisak być nie moža! Mnie zdajecca, što tolki narod, zychodziačy sa svajho bačańnia, hruntujučysia na nacyjanalnaj historyi i pamiaci, moža vyznačać, jakija pomniki pavinny być u jaho krainie», — skazaŭ Korban.

Jon padkreśliŭ, što adkazy, jakija pastupili ź Ministerstva kultury, Administracyi prezidenta, Minskaha haradskoha savieta deputataŭ, Minharvykankama adkazy «dyskredytujuć našu historyju i našu krainu».

0

0

0

0

0

0

naviny.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH