Tut prajšła tałaka.
Tut prajšła tałaka.
Rasčyščana
Pakul ptuškafabryka i lashas spračajucca, chto adkazvaje za Kurapaty i «šukajuć» hrošy na ŭparadkavańnie memaryjału ŭ vykankamach, spasyłajučysia na adsutnaść navat prajektna-kaštarysnaj dakumientacyi, prostyja ludzi praciahvaje rasčyščać chvajovy masiŭ ad chmychu i suchadrevinaŭ, plušča, śpirei i inšych parazitaŭ i pustaziella, zaraściaŭ dzikaha hłohu, asiny i alešyny. Užo rasčyščana niekalki hiektaraŭ miemaryjalnaha lesu.
Heta ŭžo druhi tydniovy etap kurapackaj tałaki, jaki raspačaŭsia 7 vieraśnia i praciahniecca pa 14-ha. Jon zaarhanizavany inicyjatyvaj «Za ŭratavańnie Kurapataŭ» i Chryścijanskim rucham. Pieršy etap prajšoŭ u traŭni. I treci — projdzie z 19 pa 26 kastryčnika, pierad Dziadami.
Inicyjatary spadziajucca, što da takoj śviatoj spravy pierad Dziadami dałučycca jašče šmat ludziej. Dyj dziaržava pavinna narešcie pračnucca.
Akramia tydniovych tałok, vałanciory rasčyščajuć les u aŭtorki. U aŭtorak 10 vieraśnia, na maich vačach, u Kurapatach pracavali 12 čałaviek. Jany addali spravie try hadziny, ad 17-j da 20-j.
