Vice-prem jer Piotr Prakapovič zachoŭvaje svaje źbieražeńni tolki ŭ biełaruskich rublach. Pra heta jon paviedamiŭ siońnia ŭ čas pramoj linii ŭ haziecie «Respublika».
«Ja zachoŭvaju źbieražeńni tolki ŭ biełaruskich rublach. Kali ja sychodziŭ z Nacyjanalnaha banka, to atrymaŭ vychadnyja hrošy. Usie jany da hetaha času zachoŭvajucca ŭ Biełarusbanku ŭ biełaruskich rublach.
Heta vielmi vyhadna, za hety čas ja šmat zarabiŭ, faktyčna ŭ 1,5 razy bolš, čym pakłaŭ.
Vielmi vysokija pracentnyja staŭki», — adznačyŭ Piotr Prakapovič.
Pry hetym
vice-prem jer raić biełarusam zachoŭvać hrošy ŭ roznych valutach: častku ŭ biełaruskich rublach, častku ŭ dalarach, častka ŭ jeŭra, častka ŭ rasijskich rublach.
«My žyviem va ŭmovach rynkavaj ekanomiki, stanovišča valut u śviecie mianiajecca», — źviarnuŭ uvahu jon. Kab mienš zaležać ad źmianieńniaŭ kursaŭ valut, lepš raskładvać źbieražeńni pa niekalkich košykach», — kanstatavaŭ Piotr Prakapovič





