Maskoŭskim (Minska) rajonnym adździełam Śledčaha kamiteta raspačata sprava pavodle prykmiet złačynstva, praduhledžanaha č. 3 art. 343–1 Kryminalnaha kodeksa (vyrab i raspaŭsiudžvańnie z vykarystańniem sietki internet parnahrafičnych materyjałaŭ z vyjavaj zaviedama małaletniaha) u dačynieńni da minčuka 1979 hoda naradžeńnia, raniej nieadnarazova sudzimaha.
Jak paviedamiŭ aficyjny pradstaŭnik upraŭleńnia SK pa Minsku Alaksandr Hierasimaŭ, «padčas papiarednich śledčych dziejańniaŭ ustanoŭlena, što ŭ lipieni 2013 hoda mužčyna zrabiŭ niekalki fotavyjaŭ parnahrafičnaha źmiestu małaletniaj dački i raspaŭsiudziŭ ich praź internet».
Da abvinavačanaha prymieniena miera strymańnia ŭ vyhladzie ŭziaćcia pad vartu. Jon daje pryznańni, adnak pakul nie moža matyvavać svaje supraćpraŭnyja dziejańni.
Pa spravie pryznačany nieabchodnyja ekśpiertyzy, pryciahnuty śpiecyjalisty ŭ śfiery psichałohii. Pravodziacca śledčyja dziejańni, skiravanyja na ŭstanaŭleńnie akaličnaściaŭ učynieńnia złačynstva.
