Piśmieńnik i šoŭmien Usievaład Ścieburaka daŭ vialikaje intervju «Salidarnaści», raspavioŭšy pra tonkaści viasiella pa-biełarusku. Usievaład — tamada, a kolkaść praviedzienych im śviataŭ imkliva nabližajecca da 200.
Usievaład, jaki niadaŭna sam ažaniŭsia, taksama daŭ piać paradaŭ, jak arhanizavać ułasnaje viasielle.
Pa-pieršaje, maładyja, zajmajciesia padrychtoŭkaj tolki ŭłasnymi siłami!
Nie dałučajcie baćkoŭ, dajcie im pabyć haściami. Niama horšaha vidovišča, čym zahnanyja vočy matulaŭ i spustošanyja tvary tataŭ, što biehali try miesiacy jak šalonyja, dahadžajučy dzietkam.
Pa-druhoje, pačnicie padrychtoŭku jak maha raniej.
Za hod ci ŭ krajnim vypadku za 8–9 miesiacaŭ. Dobraje śviata treba vynasić jak niemaŭla. Nie tak važnaja data viasiella. Važna ŭsio dobra pradumać!
Treciaje: nie vykidajcie hrošy na sumniŭnaje.
Nichto z haściej nazaŭtra nie ŭzhadaje karaleŭskija krevietki na stale ci žyvyja kvietki na ručkach vašych aŭto. Kali niešta vam na pieršy pohlad padałosia niepatrebnym, jano niepatrebnaje!
Čaćviertaje: śviata robić kampanija! Jakija b ni byli stravy, jaki b ni byŭ restaran, nastroj viečara zaležyć ad publiki.
Tamu zaprašajcie bolš siabroŭ, a nie tych, kaho nibyta treba (kalehaŭ baćkoŭ, šefa z pracy, ci prosta siomuju vadu na kisiali). Nu, nie padoryć vam stryječny dziadźka, jakoha vy bačyli dva razy ŭ žyćci, 500 u.a., zatoje na śviacie budzie vaš dušeŭny studencki siabra, jaki paviesialić usich: i patančyć, i śpiaje!
Piataje, i apošniaje: uvažliva vybirajcie fatohrafa i viadučaha.
Jany na śviacie vašyja džokiery. Pry samych vialikich niestykoŭkach, niečakanaściach i siurpryzach prafiesijanały zmohuć vyciahnuć amal usio. Adzinaja prośba — nie davajcie im paradaŭ. (Uśmichajecca).
Hladzi taksama. Usievaład Ścieburaka: Mužčynu stolki ž hadoŭ, kolki jaho žančynie
