Byłoha sakratara kamiteta Kampartyi Kitaja ŭ horadzie Čuncyn Bo Siłaja ŭ niadzielu, 22 vieraśnia, prysudzili da pažyćciovaha źniavoleńnia.
Raniej sud u horadzie Czinań pryznaŭ Bo Siłaja vinavatym pavodle ŭsich artykułaŭ. Palityk abvinavačvaŭsia ŭ karupcyi, chabarnictvie i złoŭžyvańni paŭnamoctvami. Pavodle śledstva, supraćpraŭnymi dziejańniami Bo Siłaju ŭdałosia atrymać kala 4,3 młn dalaraŭ.
Bo Siłaj ličyŭsia adnym z najbolš papularnych i pierśpiektyŭnych palitykaŭ u Kitai. Jon stajaŭ na maaisckich, demanstratyŭna levych pazicyjach. Adnak u sakaviku 2012 hoda jaho źniali z pasady sakratara kamiteta KPK Čuncyna, vyklučyli z partyi i pazbavili miesca ŭ parłamiencie krainy.
Za hod da hetaha były kiraŭnik palicyi Čuncyn Van Licziun zajaviŭ, što žonka Bo Siłaja Hu Kajłaj datyčnaja da zabojstva brytanskaha biznesmena Niła Chiejvuda. Paśla hetaha i Hu Kajłaj, i Van Licziun byli aryštavanyja. Pieršuju prysudzili da śmiarotnaha pakarańnia z adterminoŭkaj na dva hady, a druhi atrymaŭ 15 hadoŭ turmy za dziaržaŭnuju zdradu i inšyja złačynstvy.
64-hadovy Bo Siłaj admaŭlaŭ svaju vinu.
Pavodle jaho słoŭ, Van Licziun abhavaryŭ jaho, a žonka, jakaja dała suprać jaho pakazańni, była «nienarmalnaj». Praces nad byłym palitykam pačaŭsia 22 žniŭnia i doŭžyŭsia ŭsiaho niekalki dzion.
