Pieršy śnieh na Vałožynščynie, archiŭnaje fota Julii Daraškievič.
28–30 vieraśnia ŭmovy nadvorja na terytoryi Biełarusi buduć vyznačać chałodnyja niaŭstojlivyja pavietranyja masy, jakija pastupajuć z poŭnačy Jeŭropy.
U subotu, 28 vieraśnia, na bolšaj častcy krainy čakajucca karotkačasovyja daždžy. Nočču i ranicaj u asobnych rajonach słaby tuman. Viecier paŭnočna-zachodni ŭmierany. U načnyja hadziny pavietra budzie achałodžvacca da +1. +6°S, miescami prahnazujucca zamarazki da 0. -4°S; dzionnyja maksimumy ŭ miežach +6. +12°S.
U niadzielu, 29 vieraśnia, u centralnych i ŭschodnich rajonach našaj krainy projduć karotkačasovyja daždžy, miescami mahčymy mokry śnieh.
Viecier paŭnočna-zachodni ŭmierany. Minimalnaja tempieratura pavietra ŭnačy składzie +1. +6°S, na hlebie i dzie-nidzie ŭ pavietry buduć adznačacca zamarazki da 0. -4°S; maksimalnaja tempieratura dniom +6. +13°S.
U paniadziełak, 30 vieraśnia, u Biełarusi z rostam atmaśfiernaha cisku abłokaŭ stanie mienš i ŭ asnoŭnym budzie sucha. Tolki miescami pa ŭschodzie krainy nie vyklučany nievialikija karotkačasovyja apadki ŭ vyhladzie daždžu i mokraha śniehu.
Viecier paŭnočny ŭmierany. U načnyja hadziny na bolšaj častcy krainy čakajucca zamarazki da 0. -4°S, u asobnych rajonach budzie krychu ciaplej +1. +4°S; tempieratura dniom nie pieravysić +4. +11°S, tolki pa paŭdniovym zachadzie Bresckaj vobłaści pavietra prahrejecca da +13°S.
