U miežach aficyjnaha vizitu ŭ Kazachstan 3—4 kastryčnika Alaksandr Łukašenka praviadzie pieramovy z Nursułtanam Nazarbajevym u farmacie «adzin na adzin» i ŭ pašyranym składzie.
Jak paviedamlaje sajt prezidenta Kazachstana, na pieramovach buduć zakranuty «pytańni pahłybleńnia dvuchbakovaha supracoŭnictva ŭ handlova-ekanamičnaj i industryjalna-inavacyjnaj śfierach, a taksama pramysłovaj kaapieracyi ŭ ahrapramysłovym kompleksie».
Akramia taho, Łukašenka i Nazarbajeŭ abmiarkujuć chod raźvićcia intehracyjnych pracesaŭ na postsavieckaj prastory, u pieršuju čarhu ŭ miežach Mytnaha sajuza i Adzinaj ekanamičnaj prastory.
Pa vynikach pieramoŭ płanujecca padpisańnie sumiesnaj zajavy kiraŭnikoŭ dziaržaŭ i šerahu dvuchbakovych dakumientaŭ.
Pavodle źviestak pres-słužby prezidenta Biełarusi, prahramaj vizitu praduhledžana naviedvańnie kiraŭnikami dźviuch dziaržaŭ biełaruska-kazachstanskaha vučebna-vytvorčaha centra padrychtoŭki i pierapadrychtoŭki inžyniernych kadraŭ pry Kazachskim ahratechničnym univiersitecie.
Nursułtan Nazarbajeŭ naviedvaŭ Biełaruś z aficyjnym vizitam u mai 2012 hoda.