Biełaruskaja dziaržaŭnaja dola akcyj ZAT «Bank VTB» pradadziena 7 kastryčnika ŭ Minsku.
Podpisy pad dahavoram ab prodažy pastavili ź biełaruskaha boku staršynia Dziaržaŭnaha kamiteta pa majomaści Hieorhij Kuźniacoŭ, z rasijskaha — staršy vice-prezident — kiraŭnik departamienta daččynych kampanij AAT «Bank VTB» (Rasija) Michaił Jakunin.
Jak adznačyli ŭ Dziaržkammajomaści, akcyi acenieny pa rynačnaj canie. Pakiet dziaržaŭnaj doli akcyj (25,9%, ci 72.974 akcyi) ZAT «Bank VTB» pradadzieny za 19 młn. 110 tys. dalaraŭ ZŠA.
Hrašovyja srodki, atrymanyja ad ich adčužeńnia, buduć nakiravany ŭ respublikanski biudžet.
ZAT «Bank VTB» (Biełaruś) stabilna ŭvachodzić u dziasiatku najbujniejšych bankaŭ krainy i źjaŭlajecca ŭniviersalnym bankam, jaki pracuje na rynku Biełarusi z 1996 hoda. Naležyć da mižnarodnaj finansavaj hrupy VTB. Kantrolny pakiet akcyj banka (71,4%) da siońniašniaha dnia naležaŭ AAT «Bank VTB» (Rasija). Na siońnia statutny fond banka składaje 84,4 młrd. biełaruskich rubloŭ, narmatyŭny kapitał — 680 młrd. 653,6 młn. biełaruskich rubloŭ. U skład bankaŭskaha chołdynhu ZAT «Bank VTB» (Biełaruś) uvachodzić akramia samoha banka TAA «SNB-Ahra», TAA «SNB-stroj».
