U Biełarusi ŭ hetym hodzie 85 haspadarak atrymali vysokuju ŭradžajnaść zbožža — bolš jak 60 c/ha, paviedamiŭ karespandentu BIEŁTA namieśnik načalnika hałoŭnaha ŭpraŭleńnia raślinavodstva Ministerstva sielskaj haspadarki i charčavańnia Uładzimir Kuratnik.

Samaja vysokaja ŭradžajnaść siarod sielhasarhanizacyj respubliki ŭ ZAT "Ahrakambinat "Zara" (Mahiloŭski rajon), jakim kiruje Leanid Majsiejeŭ. Tut atrymana z kožnaha hiektara pa 77,8 c. U hetym hodzie kalektyŭ hetaj haspadarki vyłučany na atrymańnie ŭznaharody respublikanskaha fiestyvalu-kirmašu "Dažynki" paŭtorna. U Mahiloŭskaj vobłaści honaru być udzielnikam fiestyvalu ŭdastojeny taksama kalektyŭ SVK "Kastryčnik" Mścisłaŭskaha rajona pad kiraŭnictvam Piatra Łaŭnikava.

U Minskaj vobłaści pa ekanamičnych pakazčykach i paśpiachovamu zaviaršeńniu ŭborki zbožžavych lepšymi sielhasarhanizacyjami nazvali filijał "Piacihorje" AAT "Ahrakambinat "Dziaržynski", kalektyvam jakoha kiruje Siamion Šapira, i ŭžo druhi raz SVK "Ahrakambinat "Snoŭ" pad kiraŭnictvam Mikałaja Radamana. Pakazalna toje, što filijał "Piacihorje" jak stratnaja haspadarka byŭ dałučany da ahrakambinata "Dziaržynski", dziakujučy čamu za karotki termin vyjšaŭ u pieradavyja. Ahrakambinat "Snoŭ" adpaviadaje ŭsim patrabavańniam sučasnaha rynku. Tut vysokaja kultura ziemlarobstva i žyviołahadoŭli, a ŭradžai — 100 c/ha i nadoi małaka — bolš jak 7 tys. kh ad karovy stali normaj. Na rabotu ŭ SVK "Ahrakambinat "Snoŭ" prymajuć tolki pa konkursu. Haspadarka pryznana lepšaj u Biełarusi pa ekanamičnych pakazčykach i efiektyŭnaści sielhasvytvorčaści.

U Hrodzienskaj vobłaści lepšaj sielhasarhanizacyjaj nazvali SVK "Kastryčnik", jakim kiruje Siarhiej Kramko. U Homielskaj vobłaści — SVK "Kryŭsk" Buda-Kašaloŭskaha rajona pad kiraŭnictvam Alaksandra Padalačyna. U Viciebskaj vobłaści — RSUP "Ahrakambinat "Jubilejny" Aršanskaha rajona, dyrektaram jakoha źjaŭlajecca Alaksandr Firsin. U Bresckaj vobłaści pieršymi stali kalektyvy AAT "Biełaviežski" Kamianieckaha rajona (kiraŭnik Juryj Maroz) i RUVSP "Ptuškafabryka "Družba" (kiraŭnik Vasil Markievič).

Hetyja kalektyvy pretendujuć na pieramohu ŭ respublikanskim spabornictvie za dasiahnieńnie vysokich pakazčykaŭ na ŭborcy zbožžavych i zierniebabovych kultur i narychtoŭcy karmoŭ u 2007 hodzie. Premija za pieršaje miesca składzie Br20 młn, taksama budzie ŭručany hanarovy dypłom.

Taćciana ŁOBAS, BIEŁTA

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?