Pahadnieńnie ab asacyjacyi Ukrainy ź ES nie budzie padpisana, kali Juliju Cimašenku nie vyzvalać na praciahu bližejšaha tydnia. Pra heta zajaviŭ vice-prezident Jeŭrapiejskaj narodnaj partyi Jacek Saryjuš-Volski.
«Sprava Julii Cimašenki źjaŭlajecca simvaličnaj. Pahadnieńnie ab asacyjacyi nie budzie padpisana, kali jana nie budzie vyzvalena, bo heta pryncyp ES. Takim čynam, my čakajem kančatkovaha rašeńnia, kali jana zmoža pajechać na lačeńnie, i da 21 kastryčnika heta pytańnie pavinna być vyrašana, tamu što 21 kastryčnika adbudziecca sustreča ministraŭ zamiežnych spraŭ krain-členaŭ ES», - zajaviŭ jon.
Ale nie ŭsie ŭ ES padzialajuć takuju žorstkuju pazicyju. «Bolšaść krain -- členaŭ ES ličać doŭhaterminovyja stratehičnyja adnosiny z Ukrainaj bolš važnymi za «pytańnie Cimašenki». Takoje mierkavańnie vykazaŭ eks-jeŭrakamisar Hiunter Ferchojhien u intervju «Ukrainskaj praŭdzie».
