Siońnia ŭ siecivie źjaviŭsia supolny mini-albom hurtoŭ «Lapis Trubiackoj» i «Karibasy» pad nazvaj Oldi. Serionity Dub.
Albom z čatyroch trekaŭ pryśviečany adnamu z hałoŭnych marhinałaŭ savieckaha roku, lidaru adzinaj sapraŭdnaj rehiej-kamandy na prastory SSSR Siarhieju Ołdzi Biełavusavu.
Hurt Ołdzi «Komitiet Ochrany Tiepła» i jaho historyja pakryta nastolki vialikim słojem lehiendaŭ i padańniaŭ, što zaraz ciažka ŭjavić, dzie praŭda, a dzie nie.
Adnak u repiertuary hurtu byŭ z tuzin pieśniaŭ, jakija paŭpłyvali na ŭsich postsavieckich vykanaŭcaŭ rehiej.
«Lapisy» ŭžo rabili kavier na K.O.T. – pieśniu «Afryka», jakuju niekatoryja pamyłkova ličać aŭtarskaj.
U novy JER uvajšli čatyry treki «Lapisaŭ», remikšavanyja Dźmitryjem «DzimDzimyčam» Vasiljevym: jon stvaryŭ rehiej- i dab-miksy na pieśni «Afryka» i «Rybka zołotaja».
Nieŭzabavie albom možna budzie kupić na iTunes, taksama płanujecca reliz viniłavaha JER na 45 abarotaŭ.