Taki pryhavor vyniesła sudździa Centralnaha rajonnaha suda Maryna Damnienka. Žukoŭski pryznany vinavatym u drobnym chulihanstvie. Śviedkami na pracesie vystupili inženier Homielskaj teleradyjokampanii Andrej Parfionaŭ i achoŭnik Andrej Łapicki.
Padčas sudovaha pasiedžańnia Parfionaŭ zajaviŭ, što hramadzianin Žukoŭski pryjšoŭ na telebačańnie, hučna razmaŭlaŭ i patrabavaŭ knihu skarhaŭ. Tym samym, na dumku Parfionava, jon pieraškadžaŭ pracy abłasnoha radyjo i mantažnaj apieratarskaj. Achoŭnik Łapicki paćvierdziŭ hetyja pakazańni. Jak adznačyli śviedki, spadar Žukoŭski ŭ razmovie z supracoŭnikami teleradyjokampanii nie brydkasłoviŭ, a tolki abvinavačvaŭ aficyjnych žurnalistaŭ u niapraŭdzie i, aproč taho, razmaŭlaŭ na biełaruskaj movie.
Kastuś Žukoŭski ŭ adkaz paviedamiŭ, što na «Dažynki» jechać nie źbirajecca, tamu jaho možna adpuścić. Taksama lider miascovaj supołki partyi Biełaruskaj Chryścijanskaj demakratyi, jakaja zaraz stvarajecca ŭ Biełarusi, zapatrabavaŭ ad sudździ, kab jana pradastaviła jamu knihu skarhaŭ z teleradyjokampanii. Adnak Maryna Damnienka admoviła spadaru Žukoŭskamu ŭ hetaj prośbie.
