U pačatku kastryčnika kulturnicki aktyvist Aleś Mazanik dabiŭsia ad dyrektara aŭtobusnaha parka №2 Ihara Žurka prybrać z adnaho z aŭtobusaŭ rasijski ściah. Dyrektar Žurok paviedamiŭ taksama, što kiroŭcu Vasilu Ananiču pamienšyli pamier premijalnaj apłaty za vierasień 2013.
Paviedamleńnie ŭ presie pra toj vypadak vyklikała rezanans i abmierkavańnie na forumach. Častka čytačoŭ prapanavała Mazaniku kampiensavać kiroŭcu stračanuju premiju.
Jak piša hazieta «Novy čas», Aleś Mazanik prysłuchaŭsia da hetych prapanovaŭ. Jon vyrašyŭ kampiensavać kiroŭcu premiju i zamirycca z dapamohaj plaški kańjaka, a taksama padaryć Vasilu Ananiču knihu Uładzimira Arłova «Kraina Biełaruś» ź imiannym aŭtohrafam.
Hetuju knihu Mazanik ličyć «najlepšaj encykłapiedyjaj historyi našaj Baćkaŭščyny», i ŭpeŭnieny, što ź jaje dapamohaj zmoža danieści svaje pierakanańni da Vasila.
U aŭtaparku admovilisia arhanizavać sustreču z kiroŭcam, tamu Mazanik dasłaŭ knihu i list z prapanovaj kampiensacyi poštaj.
