Dziejučy prezident Michaił Saakašvili, jaki znachodziŭsia na hetaj pasadzie dva terminy, pa zakonie bolš bałatavacca nie moža, paviedamlaje Bi-Bi-Si.
Pa dadzienych sacapytańniaŭ, asnoŭnaja baraćba razhorniecca pamiž kandydatam ad kirujučaj kaalicyi «Hruzinskaja mara» Hieorhijem Marhviełašvili, pradstaŭnicaj partyi «Demakratyčny ruch — Adzinaja Hruzija» Nino Burdžanadze i paplečnikam Saakašvili pa partyi «Adziny nacyjanalny ruch» Davidam Bakradze.
Hałasavańnie budzie doŭžycca da 20:00. Kančatkovyja vyniki pavinny być abvieščanyja na praciahu 20 dzion paśla hałasavańnia.
Hruzinskija zakony nie praduhledžvajuć paroha jaŭki vybarščykaŭ na vybarach prezidenta. Kali ni adzin z kandydataŭ nie nabiare 50 % hałasoŭ, to budzie pryznačany druhi tur.