U studzieni—vieraśni prodaž harełki ŭ Biełarusi skaraciŭsia na 11,7% u paraŭnańni z anałahičnym letašnim pieryjadam. Pavodle źviestak Biełstata, letaś naziraŭsia rost prodažu hetaha ałkaholnaha napoju.
Za dzieviać miesiacaŭ pradadziena 7 młn. 913,2 tys. dał harełki, jaje dola ŭ ahulnym abjomie prodažu ałkaholu skłała 46,8% (u studzieni—vieraśni 2012 hoda — 49,7%).
U studzieni—vieraśni 2013 hoda praz roźničnuju (handlovuju) sietku realizavana ałkaholnych napojaŭ i piva na 17 trłn. rubloŭ, što ŭ roźničnym tavaraabarocie handlu składaje 11,5%.
Piva za dzieviać miesiacaŭ hetaha hoda pradadziena 27 młn. 973,5 tys. dał, što na 5,8% bolš za anałahičny letašni pakazčyk. Dola hetaha napoju ŭ ahulnym abjomie prodažu ałkaholu skłała 16,5% (za studzień—vierasień 2012-ha — 14,6%).
Likiora-harełačnych vyrabaŭ realizavana 1 młn. 124,9 tys. dał (na 22,8% mienš), vinahradnych vin — 2 młn. 621,5 tys. dał (na 13,5% bolš), pładovych vin — 8 młn. 467,8 tys. dał (na 4,3% mienš). Pładovyja viny zaniali 22,5% u abjomie prodažu ałkaholnaj pradukcyi (u studzieni—vieraśni 2012 hoda — 22,1%).
Kańjaku i brendzi pradadziena 265,2 tys. dał (na 48,9% bolš), pienistych vin i šampanskaha — 955 tys. dał (na 6,1% mienš), słabaałkaholnych napojaŭ — 666 tys. dał (na 2,7% bolš).
Usiaho ŭ absalutnym ałkaholi pradadziena 6 młn. 764,1 tys. dał ałkaholnych napojaŭ i piva (na 6,3% mienš).
