Kitajcy pasprabavali adpravić u Sankt-Pieciarburh partyju bytavych pryboraŭ, jakija rassyłajuć spam i staviać trajany. Prasy, čajniki i telefony abstalavali admysłovymi čypami. Varta było ŭklučyć taki špijonski prybor ŭ razietku, jak jon svabodna padklučaŭsia pa Wi-Fi da lubych nieabaronienych kampjutaraŭ u radyusie 200 mietraŭ, paviedamlaje NTV.
Pry hetym haspadar navat ničoha b nie zapadozryŭ.
Hleb Paŭłaŭ, techničny dyrektar kampanii - mytnaha brokiera: «Vy navat nie zaŭvažycie, što jon rassyłaje niešta. Ni adzin sistemny administratar nie zaŭvažyć ataku, bo jana adbyłasia nie zvonku, nie praź Internet, a znutry».
Vyjavili techniku sa špijonskimi čypami vypadkova. Jašče da adpraŭki z Kitaja rasiejskich śpiecyjalistaŭ naściarožyła vaha ŭpakovak - jana adroźnivałasia ad zajaŭlenaj u dakumientach.
Bujnuju partyi tavaru daviałosia viarnuć nazad. Zrešty, amal 30 prasaŭ, čajnikaŭ, telefonaŭ i videarehistrataraŭ usio ž paśpieli razyścisia ŭ pieciarburskich kramach. Akramia taho, nieviadoma, ci pastaŭlałasia chitraja technika ŭ inšyja rehijony Rasiei.