Siekunda da katastrofy. Skynšot ź videa, zroblenaha rehistrataram aŭtobusa.
Fota gaigrodno.by.
Fota gaigrodno.by.
Fota gaigrodno.by.
Aŭtobus z 47 pasažyrami vyjechaŭ z aŭtavakzała Skidala i, prajechaŭšy raźviazku, vyjazdžaŭ na aŭtadarohu M6 u napramku Minska. Kiroŭca lehkavoha aŭtamabila źjazdžaŭ z aŭtadarohi «Minsk-Hrodna» ŭ nakirunku Mastoŭ.
Pavodle papiaredniaj infarmacyi, jon niapravilna vybraŭ chutkaść, u vyniku straciŭ kiravańnie, i mašynu paniesła na sustrečnuju, paviedamlaje sajt DAI Hrodna i Hrodzienskaj vobłaści.
Udar byŭ nastolki mocnym, što lehkavik pierastaŭ nahadvać aŭtamabil svajoj marki.
Usie čaćviora ź lehkavika atrymali surjoznyja traŭmy, dvoje ź ich (kiroŭca i dziaŭčyna, jakaja siadzieła na zadnim pasažyrskim siadzieńni) znachodziacca ŭ reanimacyi.
Viadoma, što haspadar «Opiela» pradavaŭ svoj aŭtamabil, i za rul sieŭ budučy ŭładalnik. Jany nakiroŭvalisia ŭ Vaŭkavysk zdymać aŭtamabil z uliku.
Pasažyry mižharodniaha aŭtobusa pa miedycynskuju dapamohu nie źviartalisia. U lehkavym aŭtamabili z čatyroch byŭ pryšpileny tolki pasažyr, jaki znachodzicca na piarednim pasažyrskim siadzieńni.
