Hałoŭny trenier kamandy «Smalavičy-STI» (kłub, što vystupaje ŭ pieršaj lizie futbolnaha čempijanatu) Juryj Puntus siońnia napisaŭ zajavu pra sychod z kłuba.
football.by
«Ničoha kamientavać nie chočacca. Skažu tolki, što, sapraŭdy, napisaŭ zajavu ab zvalnieńni siońniašniaj dataj. Pracoŭnaja knižka ŭ mianie ŭžo na rukach, adzinaje, raźliku sa mnoj jašče nie zrabili», — rastłumačyŭ Football.by Juryj Puntus.
U niadzielu «Smalavičy» ŭ matčy 26-ha tura pieršaj lihi doma razhromna prajhrali śvietłahorskamu «Chimiku» ź likam 1:6. Kłub zajmaje vośmaje miesca ŭ turnirnaj tablicy.
Juryj Puntus byŭ pieršym trenieram barysaŭskaha BATE (1996—2004), z kamandaj zdabyŭ dva zołaty nacyjanalnaha čempijanatu, zatym pierajšoŭ u MTZ-RIPA, jaki ŭ siezonie 2004 ledź vyratavaŭsia ad vyletu ŭ nižejšy dyvizijon, a naleta z Puntusam zavajavaŭ bronzu i Kubak Biełarusi.
U 2009—2011 hh. treniravaŭ «Dynama» Brest, adkul byŭ zvolnieny paśla niaŭdałaha startu ŭ siezonie 2011 h. Uznačaliŭ «Smalavičy», jakija vyvieŭ z druhoj u pieršuju lihu.
