Minski haradski i abłasny vykanaŭčyja kamitety zadavolili zajaŭku Kansiervatyŭna-chryścijanskaj partyi — BNF na praviadzieńnie tradycyjnaha šeścia i mitynhu pamiaci prodkaŭ «Dziady».
Tradycyjnaje šeście i mitynh u Kurapatach projdzie 3 listapada. Zbor udzielnikaŭ a 10:30 kala Hadzińnikavaha zavoda (st. mietro «Park Čaluskincaŭ»). Z 11:00 da 14:30 — šeście ŭ Kurapaty.
Udzielniki šeścia projduć pa tradycyjnym maršrucie ad minskaha parku Čaluskincaŭ va ŭročyšča Kurapaty praśpiektam Niezaležnaści, vulicami Kalinoŭskaha, Siadych, Karbyšava, Hamarnika i Mirašničenki. Ludzi buduć nieści bieł-čyrvona-biełyja ściahi i kryžy, jakija ŭstalujuć u Kurapatach, a taksama śviečki i kvietki.
Ad 30 kastryčnika 1988 hoda [pieršy raz adznačeńnie było ŭ 1987 h.] tradycyjny dzień paminańnia niabožčykaŭ — Dziady — nabyŭ charaktar hramadska-palityčnaj padziei.