 |
Mižviedamasnaja respublikanskaja rabočaja hrupa pa vyvučeńniu vopytu krain SND i Jeŭropy ŭ pytańni pravavoha rehulavańnia dziejnaści internet‑ŚMI pradstavić pieršyja materyjały da siaredziny kastryčnika. Ab hetym karespandentu BIEŁTA paviedamiŭ namieśnik ministra infarmacyi Respubliki Biełaruś Alaksandr Słabadčuk.
Rabočaja hrupa, u skład jakoj uvajšli pradstaŭniki 15 viedamstvaŭ, u tym liku ministerstvaŭ infarmacyi, suviazi i infarmatyzacyi, justycyi, zamiežnych spraŭ, unutranych spraŭ, Nacyjanalnaha centra zakonaprajektnaj dziejnaści pry Prezidencie Respubliki Biełaruś, Dziaržaŭnaha kamiteta pa navucy i technałohijach, Biełdziaržuniviersiteta i inšych, stvorana z metaj padrychtoŭki prajekta dakumienta, jaki budzie rehulavać dziejnaść internet‑vydańniaŭ u respublicy. Ciapier u Biełarusi niama narmatyŭnaj bazy, jakaja rehuluje heta pytańnie. Razmova idzie nie pra ŭviadzieńnie kantrolu, cenzury, zabarony internet‑ŚMI, a pra vyznačeńnie ŭmoŭ raspaŭsiudžańnia toj abo inšaj infarmacyi, uparadkavańni dziejnaści internet‑vydańniaŭ, padkreśliŭ Alaksandr Słabadčuk.
Paśla skrupuloznaha vyvučeńnia suśvietnaha vopytu ŭ pytańni rehulavańnia dziejnaści interniet‑vydańniaŭ hrupa prapracuje niuansy, jakija pavinny znajści svajo adlustravańnie ŭ prajekcie dakumienta. Kožnaja pazicyja budzie adpracoŭvacca z ulikam intaresaŭ usich zacikaŭlenych struktur, adznačyŭ namieśnik ministra infarmacyi. Akramia taho, rabočaja hrupa prymie rašeńnie, jaki vyhlad u kančatkovym vyniku atrymaje dakumient: ci buduć uniesieny papraŭki ŭ dziejučy zakon ab ŚMI u Biełarusi, u im źjavicca novy raździeł abo heta budzie samastojny dakumient.
