Salda zamiežnaha handlu tavarami za studzień—vierasień 2013 hoda skłała minus 3 młrd 263 młn dołaraŭ, paviedamlaje Biełstat. U studzieni—žniŭni hety pakazčyk składaŭ minus 2 młrd 779 młn dołaraŭ. Takim čynam, za adzin miesiac admoŭnaje salda vyrasła na 484 młn dołaraŭ.
U studzieni—vieraśni 2012 hoda salda zamiežnaha handlu tavarami było stanoŭčym i składała 1 młrd 482 młn. dołaraŭ.
Ekspart biełaruskich tavaraŭ za dzieviać miesiacaŭ hetaha hoda skaraciŭsia na 21,3% u paraŭnańni z anałahičnym pieryjadam minułaha i skłaŭ 28 młrd 557 młn dołaraŭ. Impart pamienšyŭsia na 8,6% da 31 młrd 821 młn dołaraŭ.
Deficyt źniešniaha handlu tavarami nazirajecca, u pryvatnaści, z krainami SND (3949 młn dołaraŭ), u tym liku partnioram Biełarusi pa Mytnym sajuzie i JEEP Rasijaj — minus 4525 młn dołaraŭ.
Ekspart u krainy SND skaraciŭsia na 1,6% (da 17 294 młn dołaraŭ) u paraŭnańni sa studzieniem—vieraśniem 2012 hoda, impart — na 19,4% (da 18 821 młn).
Što datyčycca krain MS i JEEP, to tavaraabarot z Rasijaj pamienšyŭsia na 11,1% (da 26 645 młn dołaraŭ), ekspart ža pavialičyŭsia na 5,8% (da 12 560 młn dołaraŭ).
Stanoŭčym salda zamiežnaha handlu tavarami zastajecca z Kazachstanam (577 młn dołaraŭ) i krainami ES (666 młn dołaraŭ). Letaś za anałahičny pieryjad salda ŭ handli ź ES składała plus 8 396 młn dołaraŭ. Razam z tym tavaraabarot z Kazachstanam pamienšaŭ na 4,2% (da 702 młn dołaraŭ), ekspart zastaŭsia na ŭzroŭni minułaha hoda, a impart staŭ mienšy na 32,9%.
Tavaraabarot z krainami ES skaraciŭsia na 25,1% (da 15 991 młn dołaraŭ). Ekspart pamienšaŭ na 44% (da 8 329 młn), impart vyras na 18,3% (da 7 663 młn dołaraŭ).
