Pradstaŭniki kazactva i prarasijskich arhanizacyj arhanizavali marš u centry Simfieropala.
Mierapryjemstva prajšło viečaram 3 listapada i było prymierkavana da rasijskaha śviata — Dnia narodnaha adzinstva.
U šeści ŭdzielničali, pavodle roznych źviestak, ad 500 da 800 čałaviek, jakija nieśli ŭ rukach ściahi RF i transparant z nadpisami «Narod Kryma za mytny sajuz z Rasijaj».
«My chočam, kab biełarusy, ruskija i ŭkraincy byli bratami.
Braty časam nie majuć racyi, ale jany zaŭsiody zastajucca bratami. Tamu zaraz, u hetuju składanuju chvilinu, kali palityki sprabujuć nas padzialić i zrabić z nas vorahaŭ, nam nieabchodna abjadnacca», — zajaviŭ u chodzie šeścia kiraŭnik partyi «Ruski Błok» Hienadź Basaŭ.
Padčas jaho vystupu ŭdzielniki akcyi (maładyja ludzi ŭ maskach) u znak pratestu suprać jeŭraintehracyi Ukrainy pasprabavali spalić ściah ES, a zatym zataptali jaho nahami.