U Minsku pamior žurnalist, były namieśnik hałoŭnaha redaktara haziety «Viečiernij Minsk» Mikałaj Iljušenka. Pra heta BiełaPAN paviedamiŭ były hałoŭny redaktar vydańnia Siarhiej Śvierkunoŭ.
Mikałaj Iljušenka naradziŭsia ŭ 1949 hodzie, pracavaŭ u haziecie «Viečiernij Minsk» sa studzienia 1991 hoda pa červień 2009 hoda. Pachavańnie adbudziecca 5 listapada.
Hramadzianskaja panichida projdzie ŭ 12.00 pa adrasie vuł. Prytyckaha, 48, kv. 119.
«My pracavali razam bolš jak 20 hadoŭ, — skazaŭ Śvierkunoŭ. — Heta byŭ žurnalist ad Boha, nadzieleny talentam i zdolnaściami. Jon byŭ čałaviek tvorčy i cikaŭny, u jaho była straść da paznańnia novaha.
I choć ź im było pracavać nie zaŭsiody prosta, ale zaŭsiody — cikava. Jon umieŭ pracavać ź ludźmi, i staŭleńnie supracoŭnikaŭ da jaho zaŭsiody było dobraje».
Pavodle słoŭ Śvierkunova, mienavita Iljušenka zajmaŭsia stvareńniem sajta haziety «Viečiernij Minsk», jaki ŭ kancy 90-ch hadoŭ staŭ pieršym biełaruskim hazietnym sajtam u internecie.
«U svoj čas na pieršaj vystavie tibo heta było aceniena, i my atrymali pryz», — zaznačyŭ Śvierkunoŭ.
Jon padkreśliŭ, što Iljušenka mocna paciarpieŭ padčas terakta ŭ minskim mietro ŭ krasaviku 2011 hoda i pieranios bolš jak 12 apieracyj, apošniaja ź jakich była letam.
«Dumaju, toje što zdaryłasia, — heta ŭsio nastupstvy taho terakta», — skazaŭ jon.