U Jaremčy — rajskim kutku va ŭkrainskich Karpatach — znoŭ zapracavali mabilniki.
31 kastryčnika mabilnuju suviaź u miascovaści adklučyli pa rašeńni haradskoj rady. Adnak užo 4 listapada pad ciskam hramadskaści harsaviet admianiŭ svajo rašeńnie.
Spačatku hrupa hramadzian nastojvała na adklučeńni mabilnaj suviazi. Heta, na ich dumku, pavysiła b pryvabnaść Jaremčy jak kurorta. Adnak niekalkich dzion, praviedzienych biez zvykłaj mahčymaści patelefanavać dziciu ŭ škołu ci vyklikać ekstranyja słužby, chapiła, kab žychary sabralisia na narodny schod i pieradumali.
Radyjofoby ličać, što chvali mabilnaj suviazi admoŭna ŭpłyvajuć na zdaroŭje. Adnak navukovych paćvierdžańniaŭ hetamu pakul nie sabrana.
Jaremča słavicca svaimi pansijanatami ŭ haradach, vadaspadami na rečcy Prut, huculskimi suvienirami, harnałyžnymi trasami Varochty i soniečnym nadvorjem. Mobile free zone u śpis słavutaściaŭ nie dabaŭlajecca.