Fota gpk.gov.by
Jak paviedamlaje pres-słužba biełaruskaha MZS, cyrymonija ŭstanoŭki znaka prajšła 13 listapada ŭ rajonie styku dziaržaŭnych miežaŭ Biełarusi, Ukrainy i Rasii «Kurhan Družby» (Dobrušski rajon Homielskaj vobłaści).
U cyrymonii ŭziali ŭdzieł ministry zamiežnych spraŭ Biełarusi Uładzimir Makiej i Ukrainy Leanid Kažara, kiraŭniki pahraničnych viedamstvaŭ i pryhraničnych abłaściej dźviuch krain.
U ramkach mierapryjemstva zakładziena kapsuła z pamiatnaj zapiskaj z nahody ŭstanoŭki pieršaha pahraničnaha znaka na dziaržaŭnaj miažy Biełarusi i Ukrainy, a taksama adbylisia pieramovy kiraŭnikoŭ źniešniepalityčnych viedamstvaŭ dźviuch krain.
Jakija temy abmiarkoŭvali ministry, pres-słužba nie paviedamlaje.
0
0
0
0
0
0