Alaksandr Łukašenka prakamientavaŭ situacyju vakoł zvalnieńnia namieśnika hienieralnaha prakurora Alaksandra Archipava.
Zhadka pra heta jość u spravazdačy pres-słužby z sustrečy kiraŭnika dziaržavy z hienieralnym prakuroram Alaksandram Kaniukom.
«Paśla taho jak nam pryjšłosia admovicca ad pasłuh vašaha namieśnika Archipava, heta mianie pačynaje naściarožvać. Moža, u nas sapraŭdy ŭ pravaachoŭnych orhanach asobnyja ludzi zajmajucca nie tym, čym treba. Niedapuščalna, kali my admaŭlajem u daviery namieśniku hienieralnaha prakurora, zvalniajem jaho. Heta nienarmalna», — zajaviŭ Alaksandr Łukašenka.
«Družki tam jaho ŭciahnuli ŭ hetuju afieru, čałavieka zabili, pjany kiroŭca. Niavažna, jakija ŭ ich tam byli adnosiny, ale čałaviek zahinuŭ. Ujavicie, jak reahuje na heta siamja. Z dapamohaj ułady hetuju spravu zamiali. Dzie spraviadlivaść? Tamu prakantralujcie, jakija robiacca zachady», — skazaŭ Łukašenka.
