Ijereja Uładzimira Kaladu z Navahrudskaj jeparchii pamyłkova pazbavili sanu na internet-partałach. Śviatar pa-raniejšamu ŭznačalvaje misijanierski adździeł i haduje traich dziaciej.
A błytanina adbyłasia z-za adnoj litary ŭ proźviščy, paviedamlaje «Viečiernij Hrodno».
Nahadajem, u sieradu źjaviłasia infarmacyja ab tym, što śviatara z Navahrudskaj jeparchii pazbavili sanu za amaralnyja pavodziny. Na niekalkich internet partałach napisali, što havorka idzie pra taho čałavieka, jaki ŭznačalvaŭ misijanierski adździeł Navahrudskaj jeparchii Biełaruskaj Pravasłaŭnaj Carkvy.
Jak raspaviali ŭ Minskim jeparchijalnym upraŭleńni, na samaj spravie Śviaty Sinod pazbaviŭ sanu ijereja Uładzimira Kaledu (proźvišča jakoha pišacca praz «je»).
Akazałasia, što hety śviatar nie słužyć u carkvie ŭžo 20 hadoŭ, z 1993 hoda, ale tolki ciapier Sinod pryniaŭ adpaviednaje rašeńnie.
Tym časam misijanierskim adździełam Navahrudskaj jeparchii kiruje dziejučy kliryk Uładzimir Kalada. Pa słovach zahadčycy kancylaryi Navahrudskaj jeparchii, jon słužyć u chramie Prapadobnaha Ambrozija Apcinskaha ŭ vioscy Rusakova Słonimskaha rajona.
U jeparchii pra jaho adhukajucca stanoŭča, śviatar haduje traich dziaciej.
