Prajekt ramačnaha mižuradavaha pahadnieńnia pamiž Biełaruśsiu i Ukrainaj ab supracoŭnictvie ŭ halinie daśledavańnia i vykarystańnia kaśmičnaj prastory ŭ mirnych metach prachodzić unutrydziaržaŭnaje ŭzhadnieńnie ŭ abiedźviuch krainach. Ab hetym karespandentu BIEŁTA paviedamiŭ Nadzvyčajny i Paŭnamocny Pasoł Ukrainy ŭ Biełarusi Ihar Lichavy.
Pahadnieńnie praduhledžvaje sumiesnaje daśledavańnie i vykarystańnie kaśmičnaj prastory, raspracoŭku i ŭkaranieńnie kaśmičnych technałohij u intaresach prahresu ekanomiki, navuki, zabieśpiačeńnia biaśpieki i sacyjalnaha raźvićcia abiedźviuch dziaržaŭ.
Kaapieracyju płanujecca ažyćciaŭlać šlacham realizacyi na ŭzajemavyhadnaj asnovie nacyjanalnych i sumiesnych kaśmičnych prahram daśledavańnia i vykarystańnia kaśmičnaj prastory ŭ mirnych metach, vykanańnia prajektaŭ i mierapryjemstvaŭ pa raspracoŭcy i vykarystańniu pierśpiektyŭnych kaśmičnych srodkaŭ i technałohij, a taksama ŭdziełu ŭ raspracoŭcy i realizacyi šmatbakovych kaśmičnych prahram i kamiercyjnych prajektaŭ.
Prykładnyja prahramy, pa jakich Biełaruś i Ukraina buduć ažyćciaŭlać uzajemadziejańnie, datyčacca invientaryzacyi i vykarystańnia pryrodnych resursaŭ — sielskaj, lasnoj haspadarak, karysnych vykapniaŭ i da t.p., raźvićcia infrastruktury (kartahrafija, płanavańnie, horadabudaŭnictva, iryhacyja i vykarystańnie hidraresursaŭ, telekamunikacyi), achovy navakolnaha asiarodździa, a taksama praduchileńnia i źmianšeńnia nastupstvaŭ pryrodnych i technahiennych katastrof.