Nivodzin čałaviek nie skaža, što ŭ Biełarusi isnuje telefonnaje prava», — zajaviŭ Alaksandr Łukašenka 19 listapada na naradzie pa pytańni ŭdaskanalvańnia dziejnaści sudoŭ i orhanaŭ justycyi.
«Mnie kaštavała niemałych namahańniaŭ, kab zaścierahčy vas ad telefonnaha prava, — pryvodzić słovy Łukašenki pres-słužba prezidenta. — Usio pavinna być sumlenna. Nichto nie moža dać ukazańnie sudździ. Nichto nie moža naciskać na sudździu. Usio pavinna być niezaležna.
Sudździa sudzić tolki na padstavie zakonu. My — słuhi naroda. Ja nie pieršy raz heta paŭtaraju. My pavinny słužyć narodu, i ja jak prezident, i vy — tyja, kaho ja pryznačaju».
Staršynia Viarchoŭnaha suda Valancin Sukała zajaviŭ, što sudziejski korpus adčuvaje poŭnuju niezaležnaść.
Pravaabaroncy ž śćviardžajuć, što dziasiatki sudździaŭ u našaj krainie za hady kiravańnia Alaksandra Łukašenki vynosili palityčna matyvavanyja prysudy. Siarod asudžanych byli i šmatlikija jahonyja kankurenty na prezidenckich vybarach.
