Interniet-prajekt «Biełaruski archiŭ vusnaj historyi» MHA «Historyka» i HA «Dyjaryuš» zaprašajuć vučniaŭ staršych kłasaŭ siarednich škoł i navučencaŭ siarednich śpiecyjalnych navučalnych ustanoŭ da ŭdziełu ŭ konkursie «1939 hod u pamiaci žycharoŭ Biełarusi».
Abjadnańnie ŭvosień 1939-ha hoda etničnych ziemlaŭ Biełarusi ŭ miežach BSSR i jaho nastupstvy – aktualnaja tema dla biełaruskaj historyi. U 2014 hodzie budzie adznačacca 75 hod hetaj padziei. Vielmi važnaj histaryčnaj krynicaj dla vyvučeńnia taho, što adbyvałasia ŭ vieraśni 1939, źjaŭlajucca vusnyja ŭspaminy ludziej, jakija akazalisia śviedkami tych pieraŭtvareńniaŭ.
Što adbyłosia ŭvosień 1939 hoda? Jak hetyja padziei paŭpłyvali na žyćcio biełarusaŭ pa abodva baki miažy? Jaki vobraz tych pieraŭtvareńniaŭ zachavała pamiać biełarusaŭ? Jakoje značeńnie dla histaryčnaha losu biełaruskaj nacyi maje vosień 1939 hoda? Kali vam cikavyja hetyja pytańni, značyć naš Konkurs dla vas!
Dla ŭdziełu ŭ konkursie nieabchodna źviarnucca da vusnych uspaminaŭ. Heta značyć, da śviedčańniaŭ ludziej pra padziei 1939 h. i tyja źmieny, jakija pryniesła ŭ žyćcio biełarusaŭ savieckaja ŭłada.
Vusnyja ŭspaminy dazvalajuć pahladzieć na histaryčnuju padzieju vačyma kankretnaha čałavieka.
U składzie žury viadomyja navukoŭcy, śpiecyjalisty pa vusnaj historyi. Staršynia žury – doktar histaryčnych navuk Aleś Smalančuk.
Termin praviadzieńnia konkursu – z 15 kastryčnika 2013 hoda pa 15 maja 2014 hoda.
Čakajem konkursnyja pracy i vašyja pytańni na elektronnuju skryniu: [email protected] ci pa adrasie: MHA «Historyka» 220000, a/s 128 (z paznakaj «Konkurs dla školnikaŭ»).
Apošni termin padačy prac – 15 maja 2014 hoda (fiksujecca pa paštovym štempieli ci dacie dasyłki elektronnaha lista). Pracy, dasłanyja paźniej, nie prymajucca.
Pieramožcy i najbolš aktyŭnyja kiraŭniki atrymajuć kaštoŭnyja pryzy i dypłomy. Lepšyja pracy buduć apublikavanyja, a ich aŭtary – zaprošanyja na navukovuju kanfierencyju z udziełam viadomych historykaŭ.
Konkursnaja praca pavinna ŭklučać nastupnyja ličbavyja fajły:
— Tekst ese, napisanaha na padstavie vusnych uspaminaŭ i inšych krynic;
— Dadatki (aŭdyjo- ci videafajł intervju, apytalnik, ankieta respandenta(ŭ), kopii fotazdymkaŭ, dakumientaŭ i inš).
Minimalny pamier pracy – 10.000 znakaŭ, što prykładna składaje 4-5 staronak A4, intervał 1,5.
Pracu možna rabić indyvidualna, albo hrupaj, samastojna ci z dapamohaj kiraŭnika.
Materyjały dla pracy i mietadyčnyja rekamiendacyi dla napisańnia konkursnaj raboty možna spampavać ŭ śpiecyjalnaj rubrycy pa adrasie:
Pa pytańniach źviartajciesia pa telefonach: 8 029 397-52-15 (Volha), 8 029 358-31-84 (Pavieł).
