Rasijskija karystalniki kožny miesiac zadajuć Jandeksu bolš za 500 tysiač zapytaŭ sa słovam «biełaruski», jakija majuć niepasrednaje dačynieńnie da krainy.
Siarod biełaruskaj pradukcyi rasijskija karystalniki čaściej za ŭsio šukajuć vopratku. U kastryčniku 2013 na jaje pryjšłosia 37 % usich zapytaŭ rasiejcaŭ pra biełaruskija tavary. Karystalnikaŭ u pieršuju čarhu cikaviać trykataž, bializna, sukienki i kaściumy ź Biełarusi.
Papularnaściu karystajecca i biełaruskaja mebla, na jakuju prypadaje 29 % zapytaŭ rasiejcaŭ pra biełaruskija tavary. Kaśmietyka zajmaje 12 %, tavary dla ramontu – 9%, abutak – 6%. Davoli aktyŭna rasijskija karystalniki šukajuć miasa-małočnyja pradukty (3% zvarotaŭ). U liku «šukanych» rasiejcami biełaruskich tavaraŭ taksama apynulisia tekstylnyja vyraby (2 %) i technika (1% ).
Pieravahi rasiejcaŭ u dačynieńni da niekatorych tavaraŭ vybarčyja. Naprykład, adnym z samych papularnych tavaraŭ u katehoryi «Mebla» vystupajuć biełaruskija kuchni z dubu, a z tavaraŭ dla ramontu – dźviery z masiva i kieramičnaja plitka dla vannaj.
Siarod biełaruskich praduktaŭ charčavańnia vielmi zapatrabavanyja kaŭbasy i tušonka, z tekstylu – paścielnaja bializna i lnianyja vyraby, z techniki – chaładzilniki, traktary, drevaapracoŭčyja stanki i motabłoki.
