Palitolah Andrej Fiodaraŭ ličyć: Biełaruś budzie atrymlivać mieniej dapamohi ad Rasiei paśla taho, jak Kabinet ministraŭ Ukrainy pryniaŭ rašeńnie prypynić padrychtoŭku da padpisańnia damovy pra asacyjacyju z Eŭraźviazam.
Andrej Fiodaraŭ: «Kijeŭ pačńnie ruchacca va ŭschodnim nakirunku. Maskva budzie zaciahvać jaho ŭ svaju sietku. Dla Biełarusi heta drennaja navina. Kali Ŭkraina pojdzie ŭ Mytny źviaz, dyk mnie padajecca, što našaja kraina ŭ vačach Maskvy imhnienna adydzie na druhi plan. Ukraina dla Kramla našmat bolš važnaja za Biełaruś. Ekanamičnaje stanovičša ŭ Rasiei nie nastolki vydatnaje, im pryjdziecca šmat hrošaj davać toj ža Ŭkrainie. A Biełaruś ad taho, što jana stanovicca mienš važnaj, atrymaje mieniej».
Kabinet ministraŭ Ukrainy pryniaŭ rašeńnie prypynić padrychtoŭku da padpisańnia damovy ab asacyjacyi z Eŭraźviazam. Takoje rasparadžeńnie apublikavanaje na aficyjnym sajcie ŭkrainskaha ŭradu.