Raŭčuk, jaki vyciakaje z hnojnaha schovišča i biažyć da raki Svarotvy, 15 listapada.
Schovišča hnoju, jaki praciok da rečki Svarotvy.
Ekołah Uładzimir Zujeŭ na miescy splažanaha parku ŭ Vialikaj Svarotvie 15 listapada.
Kiraŭnika filijała «Pačapaŭski» AAT «Ptuškafabryka «Družba» Ihara Hryba pakarali štrafam ŭ pamiery 650 tysiač rubloŭ za parušeńnie režymu zachoŭvańnia vodaachoŭnaj zony.
Pra heta Intex-press raspavioŭ načalnik Baranavickaj haradskoj i rajonnaj inśpiekcyi pryrodnych resursaŭ i achovy navakolla Aleh Zahurski.
Kiraŭnik filijała «Pačapaŭski» AAT «Ptuškafabryka «Družba» Ihar Hryb atrymaŭ štraf za toje, što dapuściŭ raściakańnie hnojnaj žyžy ŭ vodaachoŭnuju zonu rečki Svarotvy.
A voś budaŭnictva darohi praz staradaŭni park u Vialikaj Svarotvie i vykarčavanych pa hetaj pryčynie drevaŭ, pra što na minułym tydni ekołaham i žurnalistam paviedamili miascovyja žychary, śpiecyjalisty pryrodaachoŭnaj inśpiekcyi nie zaŭvažyli.
– Maje supracoŭniki bačyli ŭ Vialikaj Svarotvie tolki častkova prybranaje kustoŭje. Pra pavalenyja abo papiłavanyja drevy mnie nie paviedamlali. Sapraŭdy, lubaja budaŭničaja dziejnaść u vodaachoŭnaj zonie pavinna pravodzicca z dazvołu našaj inśpiekcyi. Ale časovuju darohu, jakaja nasypajecca ŭ parku dla ŭnutryhaspadarčych patrebaŭ my nie razhladajem jak budaŭnictva, – prakamientavaŭ situacyju Aleh Zahurski.
Pakarać haspadarnikaŭ za źniščeńnie raślinnaści i parušeńnie miežaŭ staradaŭniaha parku pry kolišniaj siadzibie Niezabytoŭskich u Vialikaj Svarotvie, pa słovach Aleha Zahurskaha, niemahčyma, bo park nie achoŭvajecca dziaržavaj jak pomnik pryrody ci historyi.