Z-za paharšeńnia źniešnich umoŭ handlu kalijem i naftaj Biełaruś niedabrała 5,4% VUP, paviedamiŭ premjer-ministr Michaił Miaśnikovič, vystupajučy siońnia na sustrečy z deputatami pałaty pradstaŭnikoŭ i členami savieta Respubliki ŭ Minsku.
Pavodle słoŭ premjera, hety hod byŭ «vielmi ciažkim», jon charaktaryzujecca «źbieham niespryjalnych źniešnich umoŭ i ŭnutranych faktaraŭ».
«Pahoršylisia ŭmovy handlu ŭ kalijnaj i naftavaj śfierach. Pa acenkach, za košt paharšeńnia źniešnich faktaraŭ my niedabrali 5,4% VUP», — skazaŭ Miaśnikovič. U takich umovach, zaznačyŭ jon, «hałoŭnaje — zachavać kalektyvy, rynki, pracavać rentabielna».
Kiraŭnik urada taksama paviedamiŭ, što, kali ŭ 2010 hodzie siaredniaja zarabotnaja płata pa krainie składała 408 dołaraŭ ZŠA ŭ ekvivalencie, to pa vynikach hetaha jana składzie 598 dołaraŭ.
Michaił Miaśnikovič zajaviŭ, što va ŭrada «jość bačańnie prahramy, jakaja pavinna zabiaśpiečyć dasiahnieńnie ekanamičnaha rostu ŭ 2014 hodzie».
